Ова е година на избори во Конгресот во САД на кои се бираат 435 членови на Претставничкито дом и третина од сенаторите. Изборите на средина на четиригодишниот претседателски мандат традиционално не одат во прилог на претстседателот што е на власт. Во просек, неговата партија губи по околу 30 места во Претставничкиот дом и две во Сенатот.
Претседателот Доналд Трамп сега ги повикува приврзаниците повторно да ги изненадат историчарите и да ги осуетат прогнозите, исто како што тоа го сториле во 2016 година за Белата куќа.
И додека размислува за изборите што се одржуваат во ноември, Трамп е загрижен поради можноста дека приврзаниците можеби не се мотивирани да гласаат.
-Гласачите ги земаат работите здраво за готово, остануваат дома, а потоа другата партија ги победува на изборите, бидејќи другите гласачи се очајни, имаат повеќе енергија и излегуваат на гласање. Но поради сето она што го направивме, поради огромниот успех што го имавме, имам чувство дека оваа година ќе биде неверојатно добра, иако морам да кажам- историјата не е на наша страна, изјави Трамп.
Партијата на претседателот обично губи места на изборите што се одржуваат на средина од неговиот мандат, а оваа година токму тоа може да се повтори, вели Џим Кеслер од издавачката организација „Трет начин“.
-Претседателот е прилично непопуларен. Доколку демократите настојуваат да привлечат што поширока група гласачи, би можеле да освојат второ место во Конгресот, вели Кеслер.
Трамп се надева дека ќе се опорави од својата прва година историски низок рејтинг со тоа што ќе го пренасочи вниманието кон силната економија и законот за даночна реформа.
Републиканците се надеваат дека со тек на време рејтингот на Трамп ќе расте поради стабилноста на економијата. Демократите пак, се охрабрени по минатогодишната победа на државно ниво во Алабама и Вирџинија, каде Трамп беше централна тема на нивната кампања.
Но аналитичарите сметаат дека многу гласачи, посебно критичарите на претседателот најверојатно овие конгресни избори ќе ги доживеат како референдум за Трамп.
-Претседателот е фактор кој ѓе ги одреди изборите во 2018. Многумина тврдат дека демократите нема да успеат бидејќи немаат широка, добро дефинирана агенда. Реално, партијата во опозиција и немора да има, велат аналитичарите.
На демократите им е неопходно да освојат 24 места во Претставничкиот дом и две во Сенатот, за до следниот јануари да имаат мнозинство во обата дома на Конгресот.