Ју-Ес опен останува гренслем со најголем награден фонд. Годинашното издание на турнирот во Њујорк нуди, историски, најголема заработувачка за тенисерите и за тенисерките во споредба со Австралија опен, со Ролан Гарос и со Вимблдон.
Организаторите на „Флешинг Медоуз“ соопштија дека наградниот фонд за претстојниот Ју-Ес опен ќе изнесува вкупно 57 милиони долари или за четири повеќе од лани, а победниците во машка и во женска конкуренција ќе заминат од Њујорк со чек на 3,850.000 милиони долари. Во улога на бранители на титулите ќе отпатуваат Новак Ѓоковиќ и Наоми Осака.
Players at the 2019 #USOpen will see an 8% increase from last year’s total compensation 💰
Read more ➡️ https://t.co/6UXf95Fjhy pic.twitter.com/tjuxvXtk2Z
— US Open Tennis (@usopen) July 18, 2019
Американскиот гренслем е единствен тениски турнир меѓу „големата четворка, со награден фонд од преку 50 милиони долари. Втор на листата е Вимблдон со 49,5 милиони долари за колку што се играше неодамна. Дека Ју-Ес опен има најбрз раст на наградниот фонд упатува и податокот дека наградите за победа во првото коло се зголемени за дури 47 отсто во последните четири години, па пласман во второто коло оваа година ќе „тежи“ 58.000 долари.
Ју-Ес опен ќе почне на 26 август и ќе трае до 8 септември.
Премии за победи по кола на Ју-Ес опен 2019
Прво коло: 58.000 долари
Второ коло: 100.000 долари
Трето коло: 163.000 долари
Осминафинале: 280.000 долари
Четврт-финале: 500.000 долари
Полуфинале: 900.000 долари
Финалисти: 1.9 милиони долари
Победник: 3,85 милиони долари
Наградни фондови на гренслем турнирите
Ју-Ес опен – 57 милиони долари
Вимблдон – 49,5 милиони долари
Ролан Гарос – 48,16 милиони долари
Австралија опен – 44,64 милиони долари