Поради лошото искуство на Хрватска и Словенија, земјите од Западен Балкан ќе мора да ги решат своите гранични спорови пред да влезат во ЕУ, изјави потпретседателот на ЕК Жан Клод Јункер.
ЕУ неодамна претстави нова стратегија за Западен Балкан во која говори за арбитражен модел за решавање на спорови кои не може да се решат билатералните преговори.
Јункер вели дека му е „тешко“ кога го набљудува хрватско-словенечкиот спор околу границите за што верува дека можело да се реши пред да станат двете земји членки на Унијата.
Оценувајќи дека во овој момент земјите од Западен Балкан се уште не се подготвени за членство, Јункер истакнува дека перспективата, сепак и понатаму постои.
-Тоа е многу чувствително подрачје поради судирите во деведесетите. Перспективата на проширување ни овозможува на Западен Балкан да извезуваме стабилност, наместо да увезуваме нестабилност во ЕУ, рекол Јункер.
-Предусловот за тоа е следен: земјите од Западен Балкан мора да ги решат своите гранични спорови пред да влезат во ЕУ, нагласил Јункер во Минхен.