Претседателот на Европската комисија Жан Клод Јункер ја повика ЕУ да им пружи кредибилна перспектива за членство на земјите од Западен Балкан, додавајќи дека во иднина Унијата же има повеќе од 27 земји членки.
-Доколку сакаме стабилно соседство ,мора да понудиме кредибилна перспектива на пропирување за земјите од Западен Балкан. За време на овој мандат на ЕУ и на Европскиот Парламент нема да има ново проширување бидејќи условите за прием не се исполнети. Но во иднина ЕУ ќе има повеќе од 27 земји членки, порача Јункер од говорницата во Стразбур во говорот посветен на состојбата во Унијата.
Тој додаде дека владеењето на правото во случајот со сите земји кои се наоѓаат во пристапниот процес е „приоритет и фокус во пристапните преговори“.
Тоа го исклучува приемот на Турција во блиска иднина, рече Јункер во говорот.
Тој истакна дека неговото сценарио за иднината на ЕУ е засновано на три принципи: слобода, еднаквост и владеење на правото.
Брегзит е тажен момент во нашата историја
Осврнувајќи се на излезот на Велика Британија од ЕУ, Јункер порача дека март 2019 година же биде „тажен момент во нашата историја“, но дека одлуката на британскиот народ мора да се почитува.
-Брегзит не е иднината на ЕУ. Одиме понатаму, рече Јункер, повикувајќи ја ЕУ на 30 март 2019 година, денот кога Британија официјално ќе ја напушти Унијата, да организира Самит на ЕУ за иднината на Унијата.
Во годишниот говор, претседателот на ЕК рече дека ЕУ последните години ја вратила довербата во себе, додавајќи дека „ветрот повторно дува во едрата на Европа“ и дека континентот станува пообединет по британската одлука.
Тој наведе пет области на кои ЕК ќе се фокусира во преостанатите 16 месеци од мандатот: јакнење на трговските програми на ЕУ, нова индустриска стратегија, борба против климатските промени и прашањето на миграцијата.
Европа е континент на солидарност
Истакнувајќи дека токму безбендоста на ЕУ и миграцијата и натаму ќе бидат во фокусот на Брисел, Јункер оцени дека границите на Унијата денес се подобро обезбедени отколку претходно и дека благодарение на спогодбата ЕУ- Турција бројот на нелегалните преминувања на границите од таа рута е намален за дури 97 проценти.
Тој истакна дека ЕУ дала азил на 720.000 бегалци досега, што е трипати повеќе отколку Австралија, Канада и САД заедно.
-ЕУ не е тврдина туку континент на солидарноста, истакна Јункер и уште еднаш ги повика сите земји членки да покажат иста солидарност и колективна одговорност.