Последните американски воени авиони го напуштија Авганистан, објави генералот Френк Мекензи, командант на Централната команда на САД во Пентагон. Заминувањето на САД го означува крајот на макотрпниот, хаотичен и крвав излез од најдолгата војна во Соединетите држави.
„Тука сум за да објавам завршување на нашето повлекување од Авганистан и крај на воената мисија за евакуација на американски државјани, државјани на трети земји и ранливи Авганистанци“, им рече Мекензи на новинарите. „Последниот Ц-17 полета од меѓународниот аеродром Хамид Карзаи на 30 август, а последниот авион со екипаж сега го расчистува воздушниот простор над Авганистан“.
„Има многу скршени срца поврзано со ова заминување“, рече Мекензи. „Не ги убедивме сите дека сакаме да излеземе.
Претседателот Џо Бајден подоцна во понеделникот се огласи со изјава и им се заблагодари на американските сили што служат во Авганистан за извршувањето на „опасната мисија на враќање од Авганистан според предвиденото“, без дополнителни загуби на американски животи.
“Во изминатите 17 дена нашите војници го извршија најголемиот воздушен превоз во историјата на САД, евакуирајќи над 120.000 американски државјани, граѓани на нашите сојузници и авганистански сојузници на Соединетите држави. Тоа го направија со неспоредлива храброст, професионалност и решителност”. рече претседателот во изјавата. Тој рече дека денеска ќе и се обрати на нацијата за Авганистан.
„Сега, нашето 20-годишно воено присуство во Авганистан заврши“, рече Бајден.