Недоволна агресивност во одбраната што резултира со 27 примени гола и ниско ниво на самодоверба се само дел од причините за ремито против Ференцварош. Недозволиво е д а се паѓа кога најмногу треба, смета тренерот на ЖРК Вардар
Индира Кастратовиќ не криеше разочарување од воведниот настап на ЖРК Вардар во Лигата на шампиони во новата сезона што заврши со реми против Ференцварош. „Црвено—црните“ девојки одиграа солидно прво пполувреме и бледо второ, со ммногу грешки што на крајот можеше да ги чини пораз. Последната закана ја имаа Унгарките, Зучански се обиде да го погоди празниот вардаров гол од сопствената половина за победа, но успеа само во стативата за промашување на вечерта. Конечни 27:27 што беше причина за големо незадоволство кај домашниот тим и спротивно расположение кај гостите од Будимпешта.
„Не одигравме ни 10 отсто од тоа што работевме на тренинзите. Во ниту еден момент не помисливме дека ќе биде лесно. Прв меч е, но не може секоја година да почнуваме вака. Моравме да одиграме поагресивно во одбрана. Постигнавме 17 гола во првото полувреме што не е мала работа во мечот од Лига на шампиони, но да се примат 27 е навистина премногу. Не смееме да паѓаме кога најмногу треба“, истакна вардаровиот тренер по средбата.
Со идентична боја на гласот се обрати и Ања Алтхаус. Германскиот кружен напаѓач рече дека мечот покажал потреба од уште понапорна работа. Против Ференцварош постига само еден гол.
„Чудни чувства. Помалку сум збунета. Од една страна освоивме бод, од друга страна ги сакавме двата. Одигравме тежок меч и треба уште да работиме. Делумно сме среќни“, рече Алтхаус.
За разлика од Кастратовиќ и Алтхаус, гостите презадоволни од бодот.
„Овој меч беше тежок за нас. Прв е сепак. Горда сум на мојата еккипа. Ако неекој пред натпреварот ми речеше дека вака ќе заврши, ќе прифатев со насмевка. Свесни сме дека игравме против силен и цврст тим и среќни сме со освоениот бод“, вели Анико Ковачич, девојката што заедно со Зучански постигнаа по седум гола и беа најефикасните во составот на Ференцварош.
Гостинскиот тренер Габор Елек со сличен став. Презадоволен е со текот на мечот и среќен што неговата екипа не загуби на крајот.
„Меч како сон за нас. Освоивме бод на терен на многу добар и силен клуб. Знаевме што нè чека. Двата тима одиграа со многу грешки и двата тима ја посаккуваа победата. Затоа ммислам дека овој резултат е праведен“, посочи тренерот на Ференцварош.