„Ехте Либе“ што на германски значи вистинска љубов е мотото на Борусија Дортмунд, а игнорирање никако не спаѓа во тоа. Затоа раководството на „милионерите“ реши да одземе 500 сезонски билети од навивачи кои не биле редовни на „Вестфален“ во изминатата сезона во Бундеслигата.
Низ целиот шампионат во Германија, раководството на Борусија Дортмунд ревносно ја бележеше посетата на натпреварите на домашен терен, па секој што не присуствувал на барем седум од 17 средби на „Вестфален“ остана без пропусница за наредната сезона.
Локалниот весник „Рур Нахрихтен“ објави незадоволство и шок кај фановите со одземени влезници, но и такви кои го поддржуваат потегот на клупската управа. Но, попустливост нема и на оние кои го загубија своето место на трибините на „Вестфален“ им преостанува да ги следат настапите на Борусија Д. преку ТВ екраните.