Пациенти со ковид-19, кои болнички биле третирани со експериментален лек наречен Ремдесивир, брзо се опоравувале при што повеќето оделе дома, објави СТАТ Њуз. Сите оние кои учествувале на клиничко испитување на лекот, биле со сериозни респираторни симптоми и треска, но биле пратени на домашна нега по помалку од една недела од третманот, изјави доктор Кетлин Мјулен која го водеше процесот.
„Најдобрата вест е дека повеќето од нашите пациенти веќе отпуштени што е, навистина, одлично. Имаме само двајца пациенти кои починаа“, изјави Мјулен, специјалист за заразни болести на Универзитетот во Чикаго, кој го води клиничкото испитување, се вели во видеото.
Мјулен не одговори веднаш на барањето за коментар од „Си-Ен-Ен“. Универзитетот соопшти дека ќе даде коментар откако ќе бидат подготвени официјалните резултати од судењето. Не постои одобрена терапија за ковид-19, што може да предизвика сериозна пневмонија и синдром на акутна респираторна дистрес кај некои пациенти. Но, Националниот институт за здравство организира испитувања на повеќе лекови и други третмани, меѓу нив ремдесивир.
Лекот беше тестиран против ебола со мал успех, но повеќекратни студии кај животни покажаа дека лекот може да ги спречи и лекува коронавирусите поврзани со ковид-19, вклучително и САРС (тежок акутен респираторен синдром) и МЕРС (респираторен синдром што се појави на Блискиот исток).
Во февруари, Светската здравствена организација (СЗО) соопшти дека ремдесивир покажал потенцијал против ковид-19. СТАТ соопшти дека ја добила и гледала копијата од видео-дискусијата што Мјулен ја имаше минатата недела со колегите за судењето.
„Повеќето од нашите пациенти имаа сериозни симптоми и повеќето од нив заминуваат дома за шест дена, така што тоа ни кажува дека траењето на терапијата не мора да биде 10 дена“, беше цитирана таа.
Испитувањето на лекот е во тек и во десетици други клинички центри. Со тетсовите се опфатени околу 2.400 пациенти со сериозни симптоми на ковид-19 во 152 места низ целиот свет. Исто така, лекот се теситра и кај 1.600 пациенти со умерени симптоми во 169 болници и клиники ширум светот. Резултатите од испитувањето се очекуваат до крајот на месецот.
„Ја разбираме итната потреба за третман на ковид-19, но и интересот за нашиот истражен антивирусен лек ремдесивир“, се вели во изјавата на компанијата „Гилид“ за „Си-Ен-Ен“. Но, се вели дека неколку приказни за пациентите се токму тоа – приказни.
„Целокупноста на податоците треба да се анализира, пред да се извлечат какви било заклучоци од истражувањето. Извештаите, иако се охрабрувачки, не ја обезбедуваат статистичката моќ потребна за утврдување на безбедноста и ефикасноста на профилот на ремедивир како третман за ковид-19“, нагласија од „Гилид“.