Денеска на Фејсбук профилот Кочани (Гласот на Кочани), беше споделена граѓанска реакција дека се тргнати книгата на жалоста и штандот за палење свеќи за загинатите во пожарот во дискотеката „Пулс“.
Тие напишаа дека жителите на Кочани се огорчени зошто е тргнат штандот и книгата на жалост, а седумдневаната жалост се уште трае.
По ова на Фејсбук профилот на Општина Кочани беа споделени фотографии и информација дека цвеќињата, книгата на жалост и фотографиите на настраданите се преместени во Црковниот храм „Свети вмч. Георгиј“ и дека отсега граѓаните таму ќе можат да изразуваат сочуство.
Според неколкуте коментари оставени под објавата може да се забележи дека жителите на Кочани не се задоволни со оваа одлука за дислоцирање на книгата, цвеќињата и фотографиите на нивните настрадани сограѓани.
