Републичката Изборна Комисија (РИК) ги објави конечните резултати од парламентарните избори во Србија на 21 јуни и на 1 јули на кои правото на глас го искористија 3.221.908 милиони граѓани од вкупно 6.584.376 милиони во избирачкиот список што упатува дека одзивот бил 48,93 отсто.

Во српскиот парламент влегоа седум пратенички листи, а најмноги мандати (188) однесе изборната листа „Александар Вучиќ – За нашите деца“ за која гласаа 60,65 отсто од граѓаните кои го искористија своето право на глас.

Втора по бројот на освоени гласови е изборната листа „Ивица Дачиќ – Социјалистичка Партија на Србија“ која доби 10,38 гласови што претворени во мандати значи 32. Листата „Александар Шапиќ – Победа за Србија“ освои 3,83 отсто гласови, односно 11 пратенички места, додека во српското Собрание влегоа и четири малцински партии.

„Сојузот на војводински Унгарци – Иштван Пастор“ доби 9 пратеници, а четири мандати доби и изборната листа „Академик Муамер Зукорлиќ – Само право – Партија на правда и помирување (СПП) – Демократска Партија на Македонците (ДПМ)“.

По три мандати освоија Албанската демократска алтернатива – „Обединета долина“ и листата „СДА – Санџак“ -др. Сулејман Угљанин. Како што истакнаа од РИК, останатите кандидатски листи за пратеници не минаа цензус.