Шведска ја направи Аргентина да биде невидлива во Копенхаген во последниот меч од второто во групата Д на Светското првенство во ракомет во Германија и во Данска. Европската селекција ја „замрзна“ јужноамериканската на -15 (31:16). Најголем придонес во убедливата победа на Швеѓаните имаше голманот Андреас Паличка кој забележа 16 интервенции.
Нивни лидер, пак, во нападот беше Захрисон со шест гола, еден повеќе од Екберг во меч во кој, речиси, целиот ростер на Кристијан Андресон ја „кинеше“ мрежата на „гаучосите“ чиј најефикасен лик на теренот беше Ф. Фернандез со пет погодоци.
Шпанија во меч за заокружување на втората рунда во групата Б славеше над Исланд со 32:25. Соле беше прв стрелец со пет гола, Сармиенто, Гомез и Ентрериос прославија по четири, по пет за Исланѓаните реализираа Палмарсон и Гудмундсон.
СП во ракомет (м)
Група Б, 2 коло
Шпанија – Исланд 32:25
Хрватска – Јапонија 35:27
Македонија – Бахреин 28:23
Табела: Шпанија 4, Македонија 4, Хрватска 4, Исланд 0, Бахреин 0, Јапонија 0.
Идно коло (понеделник): Исланд – Бахреин (15.30 ч.), Хрватска – Македонија (18 ч.), Шпанија – Јапонија (20.30 ч.).
Група Д, 2 коло
Шведска – Аргентина 31:16
Унгарија – Ангола 34:24
Катар – Египет 28:23
Табела: Шведска 4, Унгарија 3, Катар 2, Ангола 2, Аргентина 1, Египет 0.
Идно коло (победелник): Унгарија – Катар (15.30 ч.), Аргентина – Египет (18 ч.), Шведска – Ангола (20.30 ч.)