Евролигата го потврди конечниот список со екипи за претстојната натпреварувачка сезона. Последната валјд карта е адресирана за Зенит со што рускиот состав од Санкт Петербург стана 18 учесник во конкуренцијата.
Покрај дефинирање на лигата, советодавното тело усвои и комплет на правила со кои се менува играта за сезоната 2019/20. Едно од нив се однесува и на враќање на потфрлување на топката пред почеток на натпреварите наместо топка од страна.
Противнички напад од 24 секунди со изведување на топка од средина на теренот ќе биде казна за екипата чиј кошаркар ќе прекрши правило при потфрлување на почетокот на средбата или во продолжението.
Техничките грешки за тренерот, за резервните играчи или за нивните колеги на терен нема да се впишува во тимски фаули. Доколку судијата запре време за корекција на часовникот, тој ќе биде ресетиран на првобитното време при промена на поседот, а топката ќе биде изведена од местото каде е направена промена на поседот.
Конечен список на екипи кошаркарската Евролига за сезоната 2019/20
Алба (Германија)
Анадолу Ефес (Турција)
Армани Милано (Италија)
Црвена звезда (Србија)
ЦСКА Москва (Русија)
Барселона (Шпанија)
Баерн Минхен (Германија)
Фенербахче (Турција)
Химки (Русија)
Басконија (Шпанија)
Асвел (Франција)
Макаби Тел Авив (Израел)
Олимпијакос (Грција)
Панатинаикос (Грција)
Реал Мадрид (Шпанија)
Валенсија (Шпанија)
Жалгирис (Литванија)
Зенит Санкт Петерсбург (Русија)