Детскиот културен центар „Карпош“ и Град Скопје распишуваат Конкурс за оригиналнo прoзно дело за деца на возраст од 10 до 15 години
Пријавените книжевни дела (роман, новела, подолг расказ) треба да имаат наративна форма, да имаат најмалку 30 компјутерски страници, да бидат наменети за деца од 10-15 годишна возраст, да бидат напишани на македонски јазик и да не биле досега објавувани.
„Карпош“ и Град Скопје посочуваат дека особено внимание ќе биде посветено на дела што се забавни, досетливи, поучни, поттикнуваат креативност и критичко размислување. Целта на овој проект е, како што велат, креирање на можности за авторите што пишуваат литература за деца и млади, како и креирање на читачки навики кај младите преку содржини што ќе поттикнат љубопитност кај нив.
Текстовите треба да бидат испратени електронски најдоцна до 10 Мај 2022 на следната е-мејл адреса:citackimaraton@gmail.com со назнака: За конкурсот за оригинално прозно дело за деца.
За наградата ќе одлучува тричлечна стручна комисија. Учесниците ќе бидат известени за резултатите од конкурсот. Тричлената комисија ќе додели една награда, а делото ќе биде публикувано.
Целта на овој конкурс, како што велат организаторите, е да се поттикне продукцијата на литература за деца од оваа возраст.