Челзи ја забележа и 11 победа во низа во Премиерлигата оваа сезона . „Сините“ во рамки на 17 коло славеа на гостувањето кај Кристал палас со 1:0. Стрелец на единствениот гол на „Селхрст парк“ беше Диего Коста во 44 минута и барем на 24 часа го оддели клубот на плус девет бода од Ливерпул и Арсенал на врвот на табелата. Лоб реализацијата на шпанскиот репрезентативец дојде по одличната асистенција на Сезар Аспиликуета.
Кристал палас заигра храбро и со тројца напаѓачи, имаше свои моменти, притисна во финишот, но гостите умешно го задржаа водството што го обезбеди Коста. Во меѓувреме и тимот на Челзи можеше да отстрани секаква неизвеност околу трите бода. Најблиску до втор погодок беше преку слободниот удар на Маркос во завршницата кога гредата, сепак, беше сојузник на Вејн Хенеси.
Челзи не блескаше во југоисточниот дел на Лондон, а, сепак, формацијата на Антонио Конте (4-3-3) и овојпат беше добитна комбинација за екипата од „Стемфорд Бриџ“. Откако Италијанецот почна да ја применува, екипата има гол разлика од 24:2. Коста, пак, се овој гол (13) осамна на првото место на листата на стрелци пред Алексис Санчез од Арсенал кој има еден помалку.
Арсенал утре ќе игра против Манчестер сити на „Етихад“, а Ливерпул во понеделник (21 ч.) ќе гостувааат а Евертон во „Мерсисајд“ дербито.