Зијадин Села смета дека концептот што го промовира премиерот Зоран Заев „едно општество за сите“ е “лага”, изјави лидерот на Алијансата за Албанците по посетата на Гостивар и средбата со неговиот сопартиец Арбен Таравари.
-Граѓаните на Гостивар се пример дека големите изјави на премиерот за едно опшество за сите и живот во Македонија за сите се само една лага зад која стојат ниски политички игри на СДСМ и нивниот коалиционен партнер ДУИ, рече Села.
Ова Села го изјави во рамки на посетата на Гостивар и на градоначалникот Арбен Таравари, кој е и генерален секретар на неговата партија.
Села рече дека Гостиварци се исклучени од концептот „Едно општество за сите“.
– Со директни наредби од премиерот, заедно со коалицискиот партнер прават сé за да го блокираат градоначалникот и граѓаните. Тоа е видливо и преку примерот со неставањето на предлог буџетот на дневен ред на седницата на советот, рече Села.
Неговиот домаќин и секретар на партијата, градоначалникот Арбен Таравари подвлече дека Алијанса за Албанците е доминантна партија во полошкиот регион на што како партиско раководство биле горди.
Денешната агенда на посети Села и Таравари ја продолжија во општините Боговиње и Врапчиште кај сопартијците градоначалници.