Published: Friday, February 21, 2020 12:48
Во два затвора во Кина се регистрирани 234 лица со корона-вирус, а надлежните кои се сметаат за одговорни за појавата на болеста зад решетките се сменети. Станува збор за објекти што се наоѓаат во Шандонг и Жеџијанг, на северот од Кина, надвор од провинцијата Хубеи.
Британските медиуми пренесуваат дека е сменет шефот на провинциската правосудна служба во Шандонг, бидејќи во затворот во градот Џининг дури 207 лица имале позитивни тестови на корона-вирусот. Откази, покрај него, добиле уште седум затворски претставници. Првиот случај на зараза во затворот бил евидентиран на 13 февруари кај еден затворски службеник.
„Оваа ситуација покажа дека некои затворски управи биле невнимателни и не ги спровеле мерките за превенција на епидемијата на вистински начин“, изјави Ји Ченге, заменик генерален секретар на провинциската влада на Шандонг, пренесоа британските медиуми.
Во затворот во Жеџијанг неделава биле заразени 27 затвореници, заради што е сменет управникот на затворот.
Бројот на нови случаи на корона-вирус во Кина и денеска продложи да опаѓа, бидејќи се потврдени уште 889 нови случаи на заразени. Досега се пријавени вкупно 75.465 случаи на заразени со коронавирус, а бројот на починати се зголеми на 2.236.