Корона-вирусот што се појави во Кина кон крајот на минатата година досега однесе 2.126 лица, заразени се вкупно 75.600, а во последните 24 часа во кинеската провинција Хубеи, жариште на болеста, се регистрирани нови 349 луѓе што е најмал број во текот на еден ден.
Експертите, сепак, наведуваат дека тоа веројатно се должи на најновите насоки на кинеската Влада, според кои повеќе нема да се регистрираат клинички дијагностицираните пациенти, туку само лабораториските, а останатите ќе се сметаат за сомнителни случаи.
На закотвениот крузер „Дајмонд принцес“ во пристаништето во Јокохама починаа двајца патници починаа како последица на корона-вирус. Станува збор за лица на возраст од околу 80 години, но не е соопштен нивниот идентитет.
На овој брод се откриени вкупно 624 случаи на корона-вирус, а здравите патници по 14-дневниот карантин се пуштени дома.