Џамериoн Стајлс е херој на денот. Веста од САД за неговите вештини, и покрај телесниот хендикеп, наиде на вооодушевување во спортскиот свет. Момчето од Флорида целосно е посветено на кошаркарската игра. И тоа успешно иако на најрана возраст, сега 13 годишниот тинејер, останал без двете раце.

Стајлс како бебе заболел од ретка бактериска инфекција поради што ги загубил горните екстремитети. Но, осмооделенецот ниту за момент не дозволил да падне пред тешкиот удар на судбината и одлучил да почне со активно тренирање кошарка.

Селектиран е во кошаркарската секција во училиштето во кое посетува настава, игра рамноправно со своите врсници и шутира тројки на впечатлив начин. Добар дел од обидите завршуваат и низ обрачот и ја „палат“ мрежичката. Уникатниот дух и волја на Стајлс го прават хит во САД и чест гостин е во телевизиски емисии.