„Немаме набавка во изминатите три години, нема мебел, инвентар, опрема итн. Намалени се сите посети и патувања во странство и земјава. Намалени се дел од платите на менаџметот“, вели директорот на АД ЕСМ, Васко Ковачевски.
Треба да тргнете од себе ако сакате да испратите порака. Нашите плати, на мене, мојот заменик и менаџметот на компанијата, ги намаливме за 30 отсто. Генералниот директор на АД ЕСМ е на 14-то место по примање на нето плата во компанијата. На прво место е вработен во РЕК Битола. Мора да дадеме личен пример“, додава Ковачевски.
Како што вели, за 15 отсто се намалени и трошоците во делот на јавните набавки што не се потребни.
-Тоа е намалување во износ од околу 28 милиони евра, само во овие 3 до 4 месеци. Кога сите намалување ќе се соберат, доаѓаме до намалување на трошоците на околу 50 милиони евра на компанијата. Со ваквите антикризни мерки, стигнавме до заштеда на трошоците на расходната страна, информира Ковачевски во емисијата „24 анализа“.