Премиерот Ковачевски, Стефанија и нејзиното семејство се согласија дека е многу важна рамнотежата меѓу професионалниот и приватниот живот и дека таа придонесува работниците како Стефанија да бидат помотивирани, поодморени и поефикасни на работното место.
Со ова законско решение, рече премиерот Ковачевски при посетата, е направен уште еден исчекор кон унапредување на работничките права и на социјалната правда со што е продолжена грижата и поддршката за работниците како приоритет на Владата.
Претседателот на Владата изрази благодарност до работодавачите и до стопанските комори, како и до синдикатите кои го поддржаа ова законско решение и додаде дека одделните разлики што се појавија во имплементација на неработниот ден ќе бидат усогласени во интерес на сите.
Ковачевски потенцираше дека работниците се движечката сила на економијата и на развојот на нашето општество и затоа и грижата за нив треба да биде на највисоко ниво.
„Токму затоа за неполни четири години минималната плата од 9.000 денари е покачена на над 15.000 денари што е повеќе од 6.000 денари месечно по вработен или 72.000 денари повеќе во семејството“, рече на средбата Ковачевски.