Куба од оваа недела почнува да вакцинира деца од 2 години против Ковид – 19, јави „The New York Times“. Ова е првата земја светот која воведува вакцинација на деца од толку рана возраст. За ова, кубанските власти користат вакцина која е произведена во земјата, а сè уште не е препорачана од Светската здравствена организација.

Во Куба живеат 11,2 милиони луѓе. Властите имаат намера да ги вакцинираат децата за да се вратат во училиштата, кои повеќето се затворени од март 2020 година. Иако новата учебна година веќе е почната, часовите се одржуваат преку телевизиски програми, бидејќи повеќето кубански домаќинства немаат пристап до интернет.

Инаку и Чиле започна со вакцинација на деца, но од шест годишна возраст.  Кина и Обединетите Арапски Емирати сега вакцинираат деца на возраст од 3 години.

Додека САД и неколку европски земји дозволија вакцина против Ковид – 19 на деца постари од 12 години. А, САД можно е да дозволи вакцина на деца од 5 до 12 години оваа година.