Шокантни обвинувања од Клара Кукалова на сметка на Серена Вилијамс. Чешката тенисерка која се повлече од активно играње истакна дека нејзината американска колешка употребува недозволени средства и изрази разочараност од односот на Светската антидопинг агенција (ВАДА).
„Да, разочарана сум бидејќи с` се става под тепих. Серена користи супстанција што е одобрена од ВАДА иако има ист ефект како хероин и создава чувство на еуфорија. И ние сега играме против наводно сериозно болната Вилијамс“, коментира Кукалова.
Освојувачката на три ВТА титули во кариерата со обвинување дека случајот е забошотен и никој не говори за него. Кукалова, која моментно живее во Прага се навраќа на минатото и низ што морала да минува при настапи на турнирите да докаже дека е чиста.
„Имав алергија што морав да ја докажувам пред ВАДА. Тие одлучуваа дали може да користам анхалатор седум или осум пати дневно. Беа многу ригорозни, а потоа ќе прочитате што е дозволено на Серена и нормално дека ќе бидете разочарани“, дополни тенисерката од Чешка чиј најдобар рејтинг во кариерата беше 20 позиција на ВТА листата во април во 2013 година.