Двајца Палестинците се убиени во денешните израелски воздушни напади во Газа, соопшти палестинското Министерство за здравство, додека тензиите во регионот растат по признавањето на американскиот претседател Доналд Трамп на Ерусалим за главен град на Израел.
Израелските одбранбени сили соопштија дека израелските авиони нападнале, како што соопштија, четири објекти кои припаѓаат на Хамас – палестинската исламистичка група која ја контролира Газа, како одговор на ракетите кои беа испукани во јужен Израел од Газа.
Споре израелските власти, бомбардирани се две локации за производство на оружје, складиште за оружје и воено соединение.
Израелските авиони, исто така, погодиле складиште за обука на Хамас и складиште за муниција во Газа доцна во петокот.
Претходно израелската армија соопшти дека ракета лансирана од Појасот Газа синоќа го погодила израелскиот град Здерот, без да прецизираат за предизвикана материјална штета и евентуални жртви.
Ова е трета ракета лансирана врз Израел по признавањето на Ерусалим како главен град од страна на американскиот претседател Доналд Трамп.
На првите два напади, Израел одговори со бомбардирање на камп за обука и скадиште за муниција на Хамас.
Палестински извори тврдат дека при воздушните напади биле ранети најмалку 15 лица.