Марибор и Црвена звезда се придружија на Динамо Загреб во третото коло квалификации за Лигата на шампиони на УЕФА.
Словенечкиот првак по продолженија го исфрли АИК Стокхолм за двомеч со Розенборг во наредната рунда. Шведскиот претставник возврати со идентичен резултат (2:1) за поразот во првата средба на стадионот „Људски врт“, а на стартот на продолженијата имаше и 3:1 со голот на Тарик Елјунуси во 93. минута.
Но, патникот во третото коло го реши Романецот Александру Крету кој намали на 3:2 во 117. минута, па Марибор поради повеќе постигнати голови во гости, опстана во квалификациите за ЛШ. Пер Карлсон во 4. минута и Себастијан Ларсон во 61. минута реализираа за Швеѓаните во основниот дел од мечот, во меѓувреме и Андреј Котник погоди во 48. минута за Словенците.
Хелсинки во реваншот ја совлада Црвена звезда со 2:1, но ривал на данскиот шампион Копенхаген ќе бидат белградските „црвено-бели“ благодарение на триумфот на стадионот „Рајко Митиќ“ со 2:0. Себастијан Далстром во 46. минута и Рику Риски во втората минута од екстра времето ја дигнаа на нозе „Телиа арена“ во финската престолнина додека голот на српскиот првак беше дело на Душан Јованчиќ во 56. минута.
Квалификации за Лига на шампиони, 2 коло, реванш мечеви
АИК Стокхолм – Марибор 3:2 по продолженија (1:2)
Хелсинки – Црвена звезда 2:1 (0:2)
Копенхаген – ТНС 1:0 (2:0)
Розенборг – БАТЕ Борисов 2:0 (1:2)
Карабаг – Дандалк 3:0 (1:1)
Двојки за 3 коло
Марибор – Розенборг
Динамо Загреб – Ференцварош
Црвена звезда – Копенхаген
Башакшехир – Олимпијакос
ПАОК – Ајакс
Клуж – Селтик
АПОЕЛ – Карабаг
Краснодар – Порто
Бриж – Динамо Киев
Базел – ЛАСК Линц