Основачот и издавач на “Хастлер”, Лари Флинт, нуди награда од 10 милиони долари за секој кој може да излезе со компромитирачка информација што може да доведе до импичмент на претседателот Доналд Трамп.
Водителката на телевизиската мрежа Фокс-бизнис Лиз Кламан на Твитер објави фотографија од рекламата на цела страница во неделното издание на Вашингтон пост, која подоцна беше ширена низ социјалната мрежа и од самиот Флинт.
-Отповикувањето може да биде комплицирано, оспорувано, но алтернативата – уште три години дестабилизирачка дисфункционалност – е полоша”, се вели во рекламата.
-Добронамерните демократи и републиканци кои ја ставија државата над партијата веќе го сторија тоа со Вотергејт. За да успее, отповикувањето бара неспорни докази. Тоа е причината за оваа понуда, пишува Флинт.
Во објавата се истакнува дека можно некои да го оценат овој потег како “заговор од страна на демократите за оспорување на легитимен избор”, но со тоа тие ја игнорираат пошироката слика.
-Мора да се направи поткрепен случај кој ќе укаже дека последните избори биле нелегитимни на многу начини – и дека по деветте бурни месеци на функцијата, Трамп докажал дека е опасно непогоден за да ја користи исклучителната моќ што ја наметнува нашата нова”унитарна извршна власт”.
Во текстот натаму се набројуваат неколку причини зошто Трамп не треба да ја врши највисоката функција во земјата, вклучително и “поттикнување насилни граѓански судири со расистички повици” и “стотици лаги”. Но, “најзагрижувачки” од се, како што се наведува е дека пред воопшто да дојде апокалипската поради климатските промени, Трамп може да предизвика нуклеарна светска војна “.
Што Флинт се надева дека ќе открие? “Доказите може се кријат во даночни пријави на Трамп кои се строга тајна или во други документи за неговите финансиски инвестиции? Дали постојат финансиски quo pro quo договори со Русите? Дали бизнисот на САД е компромитиран за да го заштити бизнисот на империјата на Трамп? Треба се да извадиме на виделина”.
Ова не е прв пат Флинт да понуди пари во замена за информации за политичарите. Не е ни првпат тој да понуди пари во замена за компромитирачки информации за Трамп. За време на кампањата,Флинт понуди 1 милион долари за видео или аудио што го покажа кандидатот на републиканците ” за вклученост во нелегална активност или дејство на сексуално понижувачки или навредлив начин”.
За време на импичментот на Бил Клинтон, овој порно магнат понуди пари во замена за компромитирачки информации за републиканците.