Фудбалерите на Милан се вратија на меѓународната сцена со победа како најава на клупската решителност за влез во нова ера или постепено враќање на славните патеки од минатото. „Росонерите“ ја совладаа Крајова со 1:0 во првиот меч од третото квалификациско коло за Лига Европа, но и прв официјален меѓународен за тимот од „Сан Сиро“ по 2014 година. Стрелец на единствениот погодок на гостувањето во Романија беше Рикардо Родригез во финишот на првиот дел.
Родригез е еден од десетте нови играчи што богатите кинески газди ги привлекоа во летниот преоден рок во Милано. Покрај него, во почетниот состав што Винченцо Монтела го изведе на стадионот „Мунисипал“ во Дробета – Турну Северин се најдоа и Абате, Мусачо и Запата во одбраната, Кеси, Монтоливо и Бонавентура во средниот ред и Нианг, Борини и Кутроне во навалниот. Шанса од клупата чекаа Сторари, Конти, Локатели, Гомез, Маури и Силва.
Во протоколот ги немаше Лукас Билја, повредените Алесио Ромањоли, Суса и Бака и, забележувате, Леонардо Бонучи, најзвучното засилување на „црвено-црните“ ова лето. И без нив, Милан и покажа на Европа дека е „жив“, а со нив во тимот повторно ќе биде и конкурентен за (нај)високи дострели иако Паоло Малдини порача дека е сè уште рано да се размислува за Скудето.
Изненадување на вечерта приреди Осиек со Музафер Ејупи. Четвртопласираната екипи во хрватското првенство за минатата сезона го шокира холандски ПСВ и тоа во Ајндховен со 1:0. Погодокот за голем триумф на „Филипс арена“ беше дело на Баришиќ од пенал во 57 минута. Македонскиот интернационалец беше стартер и ги одигра сите 90 минути.
Лига Европа/квалификации/3 коло/први мечеви
Денеска играат
Млада Болеслав (Чешка) – Скендербег (Албанија) 2:1
Олимпик Доњецк (Украина) – ПАОК (Грција) 1:1
Тракаи (Литванија) – Шкендија (Македонија) 2:1
Макаби Тел Авив (Израел) – Паниониос (Грција) 1:0
АЕК Ларнака (Кипар) – Динамо Минск (Белорусија) 2:0
АИК Стокхолм (Шведска) – Брага (Португалија) 1:1
Краснодар (Русија) – Лингби (Данска) 2:1
Естерсундс (Шведска) – Фола Еш (Луксембург) 1:0
ПСВ Ајндховен (Холандија) – Осиек (Хрватска) 0:1
Штурм (Австрија) – Фенербахче (Турција) 1:2
Судува (Литванија) – Сион (Швјацарија) 3:0
Утрехт (Холандија) – Лех Познањ (Полска) 0:0
Астра (Романија) – Олександрија (Украина) 0:0
Ботев Пловдив (Бугарија) – Маритимо (Португалија) 0:0
Динамо Букурешт (Романија) – Атлетик Билбао (Шпанија) 1:1
Бнеи Јехуда (Израел) – Зенит Санкт Петербург (Русија) 0:2
Арка Гдиња (Полска) – Митјиланд (Данска) 3:2
Брондби (Данска) – Хајдук (Хрватска) 0:0
Крајова (Романија) – Милан (Италија) 0:1
Бордо (Франција) – Видеотон (Унгарија) 2:1
Црвена звезда (Србија) – Спарта Прага (Чешка) 2:0
Гент (Белгија) – Алтах (Австрија) 1:1
Панатинаикос (Грција) – Габала (Азербејџан) 1:0
Абердин (Шкотска) – Аполон (Кипар) 2:1
Динамо Загреб (Хрватска) – Одд Гренланд (Норвешка) 2:1
Олимпик Марсеј (Франција) – Остенде (Белгија) 4:2
Австрија Виена (Австрија) – АЕЛ Лимасол (Кипар) 0:0
Евертон (Англија) – Ружомберок (Словачка) 1:0
Фрајбург (Германија) – Домжале (Словенија) 1:0
Реваншите се закажани на 3 август