Лекарите во САД открија дека уште еден симптом кај заболени со ковид-19 што се манифестира со промена на бојата на прстите на нозете кои се црвени и изгледаат како по изложување на студ. Последен објавен симптом беше згрутчување на крвта што може да предизвика мозочен удар.

Неодамна лекарите и пациентите открија и нов симптом, што го опишуваат како трпки по телото, што, според нив, е знак дека телото во завршна фаза се бори со вирусот. Останатите вообичаени симптоми се треска, болки во телото, тешко дишење, замор, сува кашлица, дијареа, додека, пак, некои луѓе немаат никакви симптоми.

Евидентирани се и невролошки симптоми, вртоглавица и главоболка, атаксија што се опишува како недостаток на координација на движење, односно одење или кревање предмети. Атаксијата може да влијае на говорот, голтањето и движење на очите.

Ширум светот заразени со ковид-19 се повеќе од 2,7 милиони луѓе, излекувани се околу 750.000 луѓе, а починати се над 190.000 луѓе.