По пауза од една сезона, Партизан се враќа во групна фаза на европско клупско натпреварување, во случајот во Лига Европа, што ќе биде вкупно 11. во клупската историја на белградските „црно-бели“. Српскиот претставник, во плејофот за второто по ранг друштво на УЕФА, го елиминира Молде по ремито (1:1) во реваншот во Норвешка и триумфот на домашен терен победи со 2:1.

Негов херој беше Немања Милетиќ кој го постигна израмнувачкиот погодок на стадионот „Акер“ што на крајот значеше осигурање на есенски настапи на меѓународната сцена, но и прилив на завидна сума на пари во буџетот.

Партизан од самиот пласман во групите во ЛЕ ќе заработи пет милиони евра на кои ќе може да додаде по 570.000 евра за секоја победа и по 190.000 евра за секое реми во претстојните шест меча.

Во тоа не успеаја преостанатите два претставника од просторите на поранешната држава. Риека на Дарко Велковски е запрена во плејофот од белгиски Гент (1:1, 1:2), а Марибор од Лудогорец по нерешените 2:2 во реваншот на стадионот „Људски врт“ и ремито без голови во првата средба во Бугарија.

Ждрепката за групите во ЛЕ е во петок (30 август) во „Грималди Форум“ во Монако со почеток во 13 часот.

Плејоф за Лига Европа, реванши

Виторија Гимараеш (Португалија) – ФЦСБ (Романија) 1:0 (0:0)

Вулверхемптон (Англија) – Торино (Италија) 2:1 (3:2)

Глазгов Ренџерс (Шкотска) – Легија Варшава (Полска) 1:0 (0:0)

Ајнтрахт Франкфурт (Германија) – Стразбур (Франција) 3:0 (0:1)

Марибор (Словенија) – Лудогорец (Бугарија) 2:2 (0:0)

Риека (Хрватска) – Гент (Белгија) 1:1 (1:2)

Ференцварош (Унгарија) – Судува (Литванија) 4:2 (0:0)

Диделанж (Луксембург) – Арарат 2:1 (1:2) / на пенали 5:4

Трабзонспор (Турција) – АЕК (Грција) 0:2 (3:1)

Хапоел Бер Шева (Израел) – Феенорд (Холандија) 0:3 (0:3)

Антверпен (Белгија) – АЗ Алкмар (Холандија) 1:1 (1:1) / по продолженија 1:4

Спартак Москва (Русија) – Брага (Португалија) 1:2 (0:1)

Зорја Луханск (Украина) – Еспањол (Шпанија) 2:2 (1:3)

ПАОК (Грција) – Слован Братислава (Словачка) 3:2 (0:1)

Молде (Норвешка) – Партизан (Србија) 1:1 (1:2)

Бнеи Јехуда (Израел) – Малме (Шведска) 0:1 (0:3)

БАТЕ Борисов (Белорусија) – Астана (Казахстан) 2:0 (0:3)

Аполон (Кипар) – ПСВ Ајндховен (Холандија) 0:4 (0:3)

АИК Стокхолм (Шведска) – Селтик (Шкотска) 1:4 (0:2)

Рига (Летонија) – Копенхаген (Данска) 1:0 (1:3)

Карабаг (Азербејџан) – Линфилд (С. Ирска) 2:1 (2:3)