Динамо Минск доби уште еден европски двомеч со противник од Македонија. По Ренова во сезоната 2009/10, белорускиот состав овојпат подобар и од Работнички во второто квалификациско коло за УЕФА Европа лигата. На ремито во Скопје надоврза убедлив триумф со 3:0 на домашен терен и во наредното коло го очекува подобриот од пресметките меѓу Тракаи и Норшепинг.
Белорусите поведоа во 21 минута со голот на капитенот Нојок, на 2:0 зголеми Галовиќ во 70 минута, третиот гол беше дело на Сарока во 84.
Работнички не беше без игра и шанси на стадионот „Трактор“ во Минск“, особено меѓу првиот и вториот гол на Динамо, но реализација изостана. Заканите на С. Сахити, Велинов, Дурански и Маркоски завршија без ефект по дебармаалци кои и покрај упорната потрага по гол, сепак, не успеаја да најдат начин за избегнување на елиминација и продолжување на европското лето.
Ако до 70. минута и постоеше некаква надеж за евентуален гол што ќе значеше продолженија, по неа ситуацијата стана сè поизвесна. Нафрлувањето од корнер во гол го претвори Галовиќ, а 14 минути подоцна Сарока казни во контра за отстранување на секаква дилема околу патникот во третото коло.
Динамо Минск – Работнички 3:0 (1:0) – вкупен резултат 4:1
Стадион: „Трактор“ во Минск. Гледачи: 2.500. Гл. судија: Никола Раинвиј. Асистенти: Гилом Дебар и Филип Жан (сите тројца од Франција). Ж. картони: Бегунов, Лукиќ, Нојок, Лековиќ (Динамо Минск). Стрелец: Нојок 21′, Галовиќ 70′, Сарока 84′ за Динамо Минск.
Динамо Минск (формација: 4-3-3): Климович – Остроух, Сачивко, Кузменок, Галовиќ – Лековиќ, Нојок, Бегунов (Карпович 71′) – Лукиќ (Николиќ 78′), Квашчински (Кијко 86′), Сарока. Тренер: Сјархеи Хуренка.
Работнички (формација: 4-3-3): Шишковски – Ерера (Кадриу 69′), Билали, Митрев, Рашо – Најдовски (С. Сахити 30′), Трајчевски, Дурански (Станковски 82′) – Најденов, Велинов, Маркоски. Тренер: Виктор Треневски.