Published: Sunday, April 30, 2017 23:08
Тенерифе е освојувач на премиерното издание на кошаркарската Лига на шампиони на ФИБА. Шпанскиот прволигаш во финалето на завршниот турнир што го организира го совлада турски Банвит со 63:59 (по четвртини: 16:12, 18:19, 17:15, 12:13).
Лидери во победничката екипа беа Мариус Григонис со 18 поени и Девин Вајт со 14, единствени со двоцифрен број кошеви. Џордан Тиодор, пак, со 17 поени беше најефикасен во тимот на Банвит. Тој го понесе и признанието за МВП во лигашкиот дел од сезоната.
Третото место на Фајналфор турнирот го освои Монако по триумфот над Валенсија со 91:77 (по четвртини: 26:21, 21:12, 26:22, 18:22).