Интер постигна договор со Манчестер Ј. за едногодишна позајмица на Алексис Санчез на „Џузепе Меаца“. Чилеанецот пристигна на „Олд Трафорд“ како огромно засилување од Арсенал со кој одби да ја продолжи соработката. „Црвените ѓаволи“ издвоија 35 милиони евра за него, но изостана очекуваниот ефект. Често пати беше надвор од форма, повреден или во конфликт, па остана должен на навивачите на Јунајтед.

Затоа и одлуката на раководството на Манчестер Ј. за позитивен одговор на барањето на Интер да го позајми Санчез кој во оваа сезона ќе биде друштво на Ромелу Лукаку за кого „нероазурите“ платија 65 милиони евра ова лето.

Освен за Интер, Манчестер јунајтед и Арсенал, Санчез во кариерата играше и за Кобрелоа и Коло Коло во Чиле, за Ривер Плата во Аргентина, за Удинезе во Италија и за Барселона во Шпанија.