Две одлични тенисерки и воедно две тазе мајки со променлив ефект на стартот на Ролан Гарос. Серена Вилијамс останува во костурот на женскиот турнир во Париз додека Викторија Азаренка го заврши настапот при првото излегување на терен.

Американката која е најуспешна во историјата на тениската игра во првото коло славеше над Кристина Плишкова со 7:6. 6:4 и во второто ќе игра против Австралијката Ешли Барти која на отвореното првенство на Франција настапува како 17. носителка.

Покрај триумфот, легендарната Серена Вилијамс привлече внимание врз себе и поради вишокот на килограми со кои пристигна во Градот на светлината. Но, и поради необичната комбинација инспирирана од супехероината „Црн пантер“ за што даде и објаснување по мечот.

„За сите мајки кои минале низ тешка бременост и кои мора да минат низ сè и сешто за повторно да бидат она што биле, да бидат на сто отсто и кои верувале во себе. Тоа претставува мојата гардероба овде“, истакна 36. годишната Серена Вилијамс.

Ова за неа е прв гренслем настап по порорувањето во септември во минатата година. Сопственичката на 23. трофеи од турнирите од големата четворка за последен пат се појави на Австралија опен лани каде ја покори конкуренција.

Фото: rolandgarros.com

Азаренка, пак, не успеа да опстане на Ролан Гарос. Загуби уште во првото коло од Катерина Синијакова од Чешка со 5:7, 5:7.

Мугуруза ја совлада Кузнецова со 7:6, 6:2 во дуелот на двете поранешни шампионки на Ролан Гарос, а до второто коло се проби и Марија Шарапова по победата над Холанѓанката Хогенкамп со 6:1, 4:6, 6:3.

Настапот во Париз заврши за две од топ 10 носителките.  Украинката Козлова го елиминира петтиот женски рекет на турнирот, Јелена Остапенко од Летонија со 7:5, 6:3 додека Ванг од Кина беше подопбра од Венус Вилијамс (9 носителка) со 6:4, 7:5.

Надал со 80. победа на Ролан Гарос

Изненадувања од таков тип нема на машкиот дел од Ролан Гарос. Десетте најдобро рангирани тенисери на турнирот се пласираа во втората рунда, осум од нив без загубен сет. За одбележување меѓу нив е Рафаел Надал кој против Симоне Болели од Италија ја прослави 80. победа на гренслемот во кариерата.

Фото: rolandgarros.com

Моментно водечкиот на АТП листата славеше со 6:4, 6:3, 7:6 и во второто коло ќе се сретне со Пелја од Аргентина. Сет не загубија ниту Александар Зверев, Мартин Чилиќ, Григор Димитров, Доминик Тим, Кевин Андерсон и Џон Изнер. По еден загубија Дел Потро и Карењо Буста, Гофан, пак, мора да одигра маратон за второ коло. Максимален триумф на стартот и за Новак Ѓоковиќ против Дутра Силва од Бразил (6:4, 6:4, 6:4).

Резултати од 1 коло на Ролан Гарос

ЖЕНИ

Возњацки (2., Данска) – Колинс (САД) 7:6, 6:1

Мугуруза (3., Шпанија) – Кузнецова (Русија) 7:6, 6:2

Свитолина (4., Украина) – Томљановиќ (Австралија) 7:5, 6:3

Козлова (Украина) – Остапенко (5., Летонија) 7:5, 6:3

Ка. Плишкова (6., Чешка) – Крејчикова (Чешка) 7:6, 6:4

Гарсија (7., Франција) – Дуан (Кина) 6:1, 6:0

Квитова (8., Чешка) – Сепеде Ројг (Парагвај) 3:6, 6:1, 7:5

Ванг (Кина) – В. Вилијамс (9., САД) 6:4, 7:5

Стивенс (10., САД) – Рус (Холандија) 6:2, 6:0

Гергес (11., Германија) – Цибулкова (Словачка) 6:4, 5:7, 6:0

Кербер (12., Германија) – Бартел (Германија) 6:2, 6:3

Киз (13., САД) – Викери (САД) 6:3, 6:3

Касаткина (14., Русија) – Канепи (Естонија) 6:4, 6:1

Вандевеј (15., САД) – Зигмунд (Германија) 6:4, 6:4

Мертенс (16., Белгија) – Лепченко (САД) 6:7, 7:6, 6:0

Барти (17., Австралија) – Вихљанцева (Русија) 6:3, 6:1

Бертенс (18., Холандија) – Сабаленка (Белорусија) 6:2, 6:1

Рибарикова (19., Словачка) – Кумхум (Тајланд) 6:3, 6:0

Дуке Марино (Колумбија) – Севастова (20., Летонија) 4:6, 6:1, 6:3

Осака (21., Јапонија) – Кенин (САД) 6:2, 7:5

Путинцева (Казахстан) – Конта (22., В. Британија) 6:4, 6:3

Суарез Наваро (23., Шпанија) – Коњух (Хрватска) 6:0, 6:1

Гаврилова (24., Австралија) – Кирстеа (Романија) 4:6, 7:6, 6:3

Контавеит (25., Естонија) – Бренгл (САД) 6:1, 4:6, 6:2

Стрицова (26., Чешка) – Нара (Јапонија) 1:6, 6:3, 6:4

Жанг (27., Кина) – Кучова (Словачка) 6:0, 7:5

Шарапова (28., Русија) – Хогенкамп (Холандија) 6:1, 4:6, 6:3

Петковиќ (Германија) – Младеновиќ (29., Франција) 7:6, 6:2

Пављученкова (30., Русија) – Херцог (Словенија) 6:4, 7:6

Бузарнеску (31., Романија) – Кинг (САД) 6:3, 6:3

Корне (32., Франција) – Ерани (Италија) 2:6, 6:2, 6:3

МАЖИ

Надал (1., Шпанија) – Болели (Италија) 6:4, 6:3, 7:6

А. Зверев (2., Германија) – Беранкис (Литванија) 6:1, 6:1, 6:2

Чилиќ (3., Хрватска) – Дакворт (Австралија) 6:3, 7:5, 7:6

Димитров (4., Бугарија) – Сафат (Египет) 6:1, 6:4, 7:6

Дел Потро (5., Аргентина) – Мау (Франција) 1:6, 6:1, 6:2, 6:4

Андерсон (6., Ј. Африка) – Лоренци (Италија) 6:1, 6:2, 6:4

Тим (7., Австрија) – Ивашка (Белорусија) 6:2, 6:4, 6:1

Гофан (8., Белгија) – Хасе (Холандија) 4:6, 4:6, 6:4, 6:1, 6:0

Изнер (9., САД) – Рабин (САД) 6:3, 7:6, 7:6

Карењо Буста (10., Шпанија) – Ковалик (Словачка) 4:6, 6:1, 7:5, 7:6

Шварцман (11., Аргентина) – Амери (Франција) 6:1, 6:3, 6:1

Квери (12., САД) – Тифо (САД) 6:1, 6:2, 7:6

Баутиста Агут (13., Шпанија) – Истомин (Узбекистан) 6:2, 6:7, 1:6, 6:4, 6:4

Зоп (Естонија) – Сок (14., САД) 6:7, 6:2, 4:6, 7:6, 6:3

Пуј (15., Франција) – Медведев (Русија) 6:2, 6:3, 6:4

Едмунд (16., В. Британија) – Де Минар (Австралија) 6:2, 6:4, 6:3

Фоњини (18., Италија) – Андухар (Шпанија) 6:4, 6:2, 6:1

Нишикори (19., Јапонија) – Жанвие (Франција) 7:6, 6:4, 6:3

Ѓоковиќ (20., Србија) – Дутра Силва (Бразил) 6:4, 6:4, 6:4

Чориќ (Хрватска) – Колшрајбер (22., Германија) 6:3, 3:6, 6:3, 6:4

Гарсија Лопез (Шпанија) – Вавринка (23., Швајцарија) 6:2, 3:6, 4:6, 7:6, 6:3

Шаповалов (24., Канада) – Милман (Австралија) 7:5, 6:4, 6:2

Џонсон (САД) – Манарино (25., Франција) 7:6, 6:2, 6:2

Џумхур (26., БиХ) – Кудла (САД) 6:4, 6:2, 6:2

Гаске (27., Франција) – Сепи (Италија) 6:0, 6:2, 6:2

Стаховски (Украина) – Лопез (28., Шпанија) 6:2, 6:4, 6:2

Гулбис (Летонија) – Милер (29., Луксембург) 2:6, 6:4, 6:4, 6:3

Вердаско (30., Шпанија) – Нишиока (Јапонија) 6:7, 6:4, 6:3, 6:7, 7:5

Вињолас (31., Шпанија) – Кукушкин (Казахстан) 7:6, 6:4, 6:1

Монфис (32., Франција) – Беншетри (Франција) 3:6, 6:1, 6:2, 6:1