Македонски државјани во Словенија полетаа од Љубљана кон Скопје

Околу 130 македонски државјани во Словенија се враќаат дома со специјалниот лет на компанијата „Визер“ од Љубљана до Скопје.

Авионот полета претпладнево од аеродромот „Јоже Пучник“ (поранешен „Брник“) со сите македонски граѓани кои изразија желба да се вратат во родниот крај поради пандемијата на коронавирус. Сите потпишаа согласност дека прифаќаат да минат во 15 дневен државен карантин по слетување на аеродромот во Скопје.

Во организирањето на летот учествуваа Министерството за надворешни работи и Амбасадата на Северна Македонија во Словенија чии претставници лично ги испратија нашите граѓани до аеродромот.