Францускиот претседател Емануел Макрон вчера во директен телевизиски пренос ги потпиша директивите со кои стапува на сила реформираниот Закон за труд, едно од неговите главни предизборни ветувања.
Макрон измената на Законот за труд ја искористи за посебна процедура благодарение на која можеше да спроведе реформи без дебата во Парламенот, што неговите противници ја критикуваа како знак на авторитаризам.
При потпишувањето, Макрон рече дека се работи за „бран промени без преседан“, за француски социјален модел со кој се зголемува флексибилноста на законот за труд и дека промените „се спроведени во рекордно време“.
Макрон потпиша пет укази со кои се отвора пат за реформа на законодавството што го регулира трудот чија цел е поттикнување на економскиот раст.
Со новиот закон на работодавците ќе им се овозможи полесно да отпуштаат и да вработуваат работници, ќе се поедностават преговорите меѓу работодавците и работниците и ќе се намалат овластувањата на националното колективно преговарање.
Макрон тврди дека реформите се неопходни за јакнење на стагнурачката француска еконоија и за зголемување на бројот на работните места.
Претседателот рече дека првите мерки ќе бидат преземени следната недела.
Предложените реформи предизвикаа протести низ целата земја.
Десетици илјади луѓе протестираа во Париз и во други градови изминативе денови поради реформите на законодавството за труд на Макрон, Лидерот на крајната француска левица ги повика граѓаните да излезта на протести и денеска.
Првите демонстрации на синдикатите на работниците и конфередерациите во Франција против реформите се одржаа на 12 септември и ги поддржаа 400.000 луѓе.
Тоа беа првите демонстрации на улиците откако Макрон беше избран за претседател во мај.