Емануел Макрон и Марин Ле Пен се двајцата претседателски кандидати кои влегуваат во вториот круг на изборите во Франција. Тие ќе се соочат на 7 мај и Французите меѓу нив двајца ќе треба да го изберат новиот претседател на републиката.
Центристот Макрон има 23.7 отсто гласови а екстремната десничарка Ле Пен 21,7 отсто.
До последен момент не се знаеше кој од четворицата фаворите ќе влезе во вториот круг. Имено, двајцата кандидати што следат се Жан-Лук Меланшон и Франоса Фијон имаат двајцата по 19 отсто гласови.
Емануел Макрон порача дека Франција врти нова страница во политичката историја.
-Французите изразија желба за променба. Очигледно вртиме нова страница во политичката историја на Франција, изјави Макрон за АФП.
Директорката за кампања на Марин ле Пен истакна дека изборите сега станаа референдум за и против глобализацијата.
Со оглед на неизвесноста на овие избори и кавгите во двете традиционални партии – социјалистите и десните републиканци – до последен момент беше неизвесно кој ќе влезе во вториот круг.
Излезноста на изборите беше послаба отколку во 2012 година. До 19 часот излегле да гласаат 77 отсто гласачи а во 2012 година процентот беше 79.50 отсто.
Со оглед на влезот на екстремната десница во вториот круг се очекува дека сите партии ќе се обединат за да не и дозволат на Ле Пен да влезе во Елизејската палата.
Тоа е случи и во 2002 година кога Жан-Мари Ле Пен, таткото на Марин, влезе во вториот круг со Жак Ширак како негов противник. Излезноста во вториот круг беше огромна а Французите со над 88 отсто гласаа за Ширак.
Изборите се одржаа во време на вонредна состојба во Франција и во сенка на недамнешниот терористички напад . Учествуваа 1 кандидати од крајната десница до крајната левица, за кои гласаа 47 милиони гласачи.
Францускиот премиер Bернар Kазнев ги повика демократите во вториот круг на претседателските избори на 7 мај да гласаат за Макрон. Ист повика преку твитер упати и министерот за надворешни работи Жан Марк Еро.
Се очекува дека сите други кандидати ќе ги повикаат своите приврзаници да гласаат за Макрон. Тоа веќе го направи кандидатот на социјалистите Бенуа Амон кој веднаш по објавувањето на резултатите ги повика неговите гласачи на 7 мај гласот да го дадат на Макрон.