Право на учество на јавниот повик има секоја авиокомпанија или туристичка агенција која ќе организира чартер летови од градовите во Европа до Република Северна Македонија. Критериум за избор на најповолен понудувач е најниска цена. Генералниот секретаријат ќе склучи договор и ќе изврши плаќање на избраната најповолна понуда врз основа на дадениот критериум за избор.
„Понудите треба да се достават електронски, заверени, потпишани од страна на одговорно лице и во скенирана форма на следната е-маил адреса: gs@gs.gov.mk, најдоцна до денеска до 22 часот. Понудите кои нема да бидат доставени во предвидениот рок нема да бидат разгледувани“, се наведува во соопштението од Владата.
Лицата кои ќе се пријават на повикот, при влез во авионот ќе потпишат договор помеѓу нив и Владата со кој ќе гарантираат дека ќе ја исплатат сумата за авионскиот билет во рок од 15 дена по враќањето и ќе пополнат изјава дека се согласни да бидат сместени во објектите за државен карантин во траење од 14 дена по враќање во земјава. За нивни трансфер од Меѓународниот аеродром Скопје до местата определени за државен карантин ќе има организиран превоз.