Процесот за изградба на коридорите е почнат со носење на закон за стратешка инвестиција со една од најголемите американски компании што работат во оваа област, кажа вицепремиерот за европски прашања Бојан Маричиќ во гостувањето во Канал 5 телевизија.
-Ова е стратешка инвестиција за брзо градење на коридорот 8 и ние спремни сме за реализација на овој договор за што побрзо да имаат граѓаните автопат, кажа Маричиќ.
Тој додаде дека автопатот ќе го гради кредибилна американска компанија. Вицепремиерот исто така кажа дека во Брисел појасни дека постојат стратешки инвестиции и со европски компании, германски и француски, кои очекува наскоро да се реализираат.
-Наш интерес е што поскоро да се изгради овој автопат, тој беше впишан во трансевропската мрежа на коридори, истакна Маричиќ.
Како што информира вицепремиерот сите автопати досега што се изградени имаат клаузули што не се објавени, бидејќи фирмите имаат одреден начин на работа кој не сакаат да се објави и претставува деловна тајна.
-Од друга страна имаме кинески автопат што никој не знае колку чини и по телефон се договараа провизии, тоа е резултатот на ВМРО-ДПМНЕ. Партијата го прави ова зашто нив им е криво што тие не го почнаа проектот и сега собираат политички поени, нагласи вицепремиерот.