ЕУ бара од Марин Ле Пен, претседателката на францускиот екстремно-десниот Национален фронт, да врати 340.000 евра добиени од европскиот буџет.
Ле Пен, која е европски пратеник, ги добила тие пари од европскиот буџет за да плати двајца асистенти кои работеле само за нејзината партија а не како парламентарни асистенти во Европскиот парламент (ЕП).
Веста ја објавија повеќе француски медиуми.
ОЛАФ, органот за борба против корупција во ЕУ, на 2 август побарал од ЕУ да врати 339.946 евра, сума која им одговара на платите на двајцата асистенти на Ле Пен. На 30 септември, ЕП и дал рок од четири недели на Ле Пен да ги каже своите забелешки но одговор од неа никогаш не стасал на адреса на ЕП.
“Не одговоривме на писмото на ЕП бидејќи се уште не сме го добиле извештајот на ОЛАФ”, изјави адвокатот на Ле Пен. Според него, невозможно е да направи разлика во работата на еден асистент при активностите на претседател на партија во ЕП и во националната политика:
“Како може да се направи разлика во работата на еден асистент на европски пратеник и на претседател на политичка партија? Големите европски социјални прашања и големите француски социјални прашања како миграциската криза или Шенген зоната се тесно поврзани”, додава адвокатот во изјавата.
Адвокатот смета дека станува знор за “маневар” за да “и се направи штета на акцијата на г-ѓа Ле Пен во ЕП” и тоа се “обиди да и се направи штета пред претседателските избори”.
Франција ќе бира нов претседател на државата во мај 2017 година.