Шефот на Пентагон Џејмс Матис се закани со „ воен одговор од големи размери“ на каков било евентуален напад на САД или на нивните сојузници откако Северна Кореја ја изведе досега најсилната нуклеарна проба.

Трамп одговори дали ќе ја нападне Северна Кореја: Ќе видиме!

-Каква било закана по САД или која било американска територија, вклучувајќи го и Гуам или нашите сојузници ќе наиде на воен одговор од масовни размери кој воедно ќе биде ефикасен и жесток, изјави Матис пред Белата куќа.

Тој додаде дека Вашингтон не сака целосно уништување на некоја земја, во случајов Северна Кореја, но дека САД како што рече имаат различни опции за тоа да го направат.

Што детонираше Ким Јонг Ун

Пјонгјанг вчера соопшти дека потресите што беа арегистрирани се резултат на тестирање на хидрогенска бомба за ракета од долг дострел, што предизвика многу реакции во светот.

Во меѓувреме, војската на Јужна Кореја изведе вежба во која е симулиран напад на севернокорејска нуклеарна постројка, гаѓајќи одредени цели во Источното море, објави агенцијата Јонхап.

Ракетата испукана ноќта меѓу неделата и понеделникот е одговор на севернокорејското детонирање на бомбата. Војската на Јужна Кореја сооопшти дека достерлот на симулираните цели е исто колку до местото Пунгје Ри у североисточниот дел на Северна Кореја, каде вчера беше детонирана бомбата.