Грчкиот граничниот премин „Ники“, односно граничниот премин „Меџитлија“, ќе биде затворен за патнички и товарен сообраќај од денеска (среда, 22 јули) од 00.00 часот до 04 август. Причина за тоа се новите протоколи на грчката Влада за рестрикитивни мерки за Ковид-19.
Министерството за внатрешни работи (МВР) ги известува граѓаните дека до граничната служба на граничниот премин „Меџитлија“ е доставено известување дека грчкиот граничен премин ,,Ники“ ќе биде затворен за патнички и товарен сообраќај во овој период.
„Сите патнички и товарни моторни возила што планираат да остварат влез и излез во и од Грција во наведениот период, тоа ќе може да го направат преку грчкиот граничен премин ,,Евзони“, информираат денеска од МВР.