„Големото олеснување. Плаќав во времето на претходната влада струја во месечен износ од 700 денари. Сега плаќам за иста потрошувачка на киловати 1.700 денари. Тоа е заради политиката на новата Влада која ги укина субвенциите. Еден мој колега отвори со мене полемика дека техничката влада била таа која требала да обезбеди одлука за продолжување на сувенцијата (!) со струја иако токму и ВМРО беше дел од таа влада со навистина една цел – да обезбеди мирни и демократски избори. Сакал навреме да ја пренесе вината на владата СДСМ/ДУИ која не може да донесе мерка која зема голем дел од буџетот, а која секако може да биде променета веднаш по отпочнувањето на работата на новиот Парламент“, пишува Љубомир Костовски на својот Фејсбук профил.
„Јасно, новото „правителство“ се откажа од поддршка на стандардот на посиромашните слоеви на населението со образложение дека „ЕСМ“ треба да стане фирма која ќе работи на комерцијална основа. Упс! Знае Мицковски од свое искуство колку ЕСМ може да биде рентабилен економски фактор, особено ако најлошите произведувачи на струја – мини-централите што се и огромна еколошка грутка во секојдневието на земјата, даваат најскапа струја! Упс! Мицковски имаше 4 такви централи…
Сега тие се обидуваат да направат кампања дека – белким на друга страна – ќе го поевтинат парното греење. Насловната страница на Вечер деновиве многу кажува како се води кампања за нешто што просто и не е поевтинување, најмалку пак се однесува на широките народни слоеви, туку само на еден елитен слој кој ја има таа привилегија да има радијатори во куќата.
Јас добивам на пример намалување на цената за 0,5 отсто! Оние со најголем пад на цената само 1,5 отсто. Но за да се прикрие вистинскиот „дострел“ на мерката за енормното поскапување на струјата, за што медиумите молчат (мудро!) од ова се прави невидена парада. Која мизерна пропаганда“, вели Костовски.