Британската премиерка Тереза Меј за време на денешниот говор за одлуката за излегување на нејзината земја од ЕУ, според најавите, ќе каже дека Британија не сака половично решение за време на преговорите за Брегзитот.

Како што пренесува Ројтерс таа денеска ќе го образложи планот за претстојните преговори за Брегзит и 12 приоритети.

Меѓу 12 приоритети за Брегзит на Меј се и напуштање на единствениот пазар на ЕУ и царинската унија, објави Телеграф.

Ова, според аналитичарите, ќе ги разочара бизнисмените и поголемиот дел од британците кои сакаат нивната земја да ги задржи силните врски со единствениот европски пазар. Таа во говорот исто така ќе вети изградба на „ново еднакво партнерство со ЕУ“.