Претседателот на Демократската партија на Албанците (ДПА), Мендух Тачи смета дека во јуни може и треба да има избори. Тој на денешната прес-конференција истакна дека изборите се важни за заздравување на економијата во наредниот период.

„Мислам дека 21, 22 дена по празникот Бајрам (н.з 24 мај) да имаме избори. Многу е важно да има избори затоа што покрај оваа битка со вирусот ни претстои уште една голема битка, битка за економско опоравување на нашиот народ, смета Тачи.

Тој истакна дека треба да се отворат верските објекти, порачувајќи дека битката со вирусот ќе трае и ќе треба да постои соживот со ковид-19.

„Препочитувам да се отворат и религизоните објекти, но многу претпазливо и со голема одговорност на раководителите на тие објекти и на луѓето што работат. Со почитување на сите мерки. Претпочитувам да се олабават сите условно речено стегнати ситуации од страна на Владата, но во ист момент тоа не значи дека од кога ќе олабават овие мерки дека и ние како граѓани ќе олабавиме. Напротив секој ќе се однесува одговорно што значи миење на раце, дистанца, ракавици и носење на маска“, рече Тачи.