Мерките на турската власт против медиумите се “алармантни”, оцени денес германската канцеларка Ангела Меркел. Според неа, ова ќе игра централна улога во преговорите за членство кои Турција го води со ЕУ.
“Што се однесува до Турција, скапоцената слобода на медиумите и слободата на мислење која постојано се ограничува, за мене и за целата влада е сериозно алармантен”, изјави Меркел на една прес конференција. За Меркел ова е “тажно” а таа подвлече дека “новинарите ја имаат нашата целосна поддршка”.
Во понеделникот турската полиција го лиши од слобода уредникот и повеќе новинари на главниот опозициски весник Џумхуријет. Апсењата се во врска со истрагата за тероризам и активностите на Фетула Ѓулен, главниот противник на турскиот претседател Ердоган. Медиумите се постојана цел на властите од пучот на средината на јули годинава.
Меркел додаде дека ова прашање игра централна улога во преговорите за членство помеѓу Турција и ЕУ.
Анкара чека исто така да биде ослободена од визи за влез во ЕУ во рамките на договорот со ЕУ кој го сопира бранот мигранти кон Европа. Но, досегашните дискусии на таа тема не напредуваат.
Германската влада беше критикувана од опозицијата и медиумите дека сака да го заштити Ердоган. Односите помеѓу Берлин и Анкара се тензични.
Во јуни германските пратеници изгласаа резолуција со која се осудува ерменскиот геноцид во 1915 година од страна на Турција а оваа пролет на германската национална телевизија беше прикажана сатира против Ергодан.