Германската канцеларка Ангела Меркел ги презентира приоритетите на претседателството на нејзината земја со Европската Унија (ЕУ) во наредните шест месеци, споменувајќи ги само преговорите со Северна Македонија и Албанија во однос на проширувањето, јави дописничката на МИА од Брисел. Тоа се Западниот Балкан, Африка, борбата против дезинформациите, миграцијата, Русија и Кина.
„Пристапните конференции со Северна Македонија и со лбанија треба да се одржат оваа година и да се отворат првите поглавја“, рече Ангела Меркел попладнево пред европратениците.
Отворањето на преговорите со Скопје и со Тирана, според Меркел, претставуваат важен сигнал за заложбата на ЕУ кон интеграцијата на западниот Балкан.
Доколку двете земји го одржат досегашното реформско темпо, првите поглавја од преговорите би можеле да бидат отворени во ноември или декември. Германското претседателство планира оваа тема да биде на дневен ред на Советот на ЕУ во ноември. Дотогаш Европската Комисија треба исто така да ги објави редовните извештаи за реформскиот напред во сите земји од регионот.
Европската Комисија минатата недела ја поднесе и нацрт преговарачките рамки на ЕУ за Северна Македонија и Албанија до Советот.