Времето денеска ќе биде облачно и постудено со врнежи од дожд, а на повисоките места и на планините од снег каде ќе се формира и нова снежна покривка. Услови за слаб снег ќе има и на некои пониски места во северните и во источните делови на земјата. Ќе дува засилен ветар од северен правец.
Минималната ремпература ќе биде во интервал од 0 до 6 степени, а максималната од 2 до 8 степени.
Во Скопје, времето ќе биде облачно и постудено со повремени врнежи од дожд. Во текот на денот во повисоките делови од Скопската котлина ќе врне повремен слаб снег. Минималната температура ќе се спушти до 2 степена, а максималната ќе достигне до 5 степени.
Во среда и четврток претпладне ќе има преодно стабилизирање на времето со ниски утрински температури, кои насекаде ќе бидат под нулата.