Времето денеска ќе биде претежно облачно, во претпладневните часови и со повремен локален дожд. Ќе дува умерен, повремено засилен, ветар од северен правец што ќе биде поизразен долж Повардарието. Минималната температура ќе биде во интервал од 4 до 9 степени, а максималната ќе достигне од 9 до 15 степени.
Во Скопје ќе биде облачно, со повремен слаб дожд, особено претпладне. Ќе дува умерен ветар од северен правец. Минималната температура ќе се спушти до 7 степени, а максималната ќе достигне 10 степени.
Прогнозата на УХМР за утре и за четврток е дека ќе настапи преодно стабилизирање на времето, а ноќта кон петок и за време на викендот ќе има пообилни врнежи од дожд под влијание на влажен бран. На повисоките планини врнежите повремено ќе преминуваат во снег.