Времето денеска ќе биде сончево со мала до умерена облачност, но и ниски температури. Попладне облачноста ќе се зголеми, а кон крајот на денот во североисточните делови ќе има повремен слаб снег. Ќе дува умерен до засилен ветар од северозападен правец. Минималната температура ќе биде во интервал од -12 до -4 степени, а максималната ќе достигне од -4 до 4 степени.
Времето во Скопје ќе сончево со мала до умерена облачност. Попладне облачноста повремено ќе се зголемува. Ќе дува умерен до засилен северозападен ветар. Минималната температура ќе се спушти до -9 степени, а максималната ќе достигне 2 степена.
Во наредните денови времето ќе биде многу студено и ветровито со умерен до засилен северозападен ветар. Утринските температури на многу места ќе се спуштаат околу -10 степени, а дневните ќе бидат околу и под нулата.
Поради ниските температури се очекува појава на голомразица. Повремено ќе има зголемување на облачноста со услови за провејување на слаб снег, особено во вечерните часови и во северните делови. Кон крајот на работната седмица температурата благо ќе се зголеми.