Адвокатот на поранешниот прв човек на УБК, Сашо Мијалков Љупчо Шврговски денеска на рочиштето за нелегалното масовно прислушување Таргет Тврдина се повика на аболицијата на претседателот Ѓорге Иванов за неговиот клиент и побара да не му се суди за нелегалноито масовно прислушување во „Таргет и Тврдина, бидејќи бил помилуван.
-Судот да донесе решение за запирање на постапката кон обвинетиот Сашо Мијалков со кое ја запира постапката против него, рече Шврговски.
Истото беше побарано и за обвинетата Валентина Симоновска од УБК, која претседателот Иванов, исто така, ја помилувал меѓу 56-те можни тогашни осомничени.
Судијката Џенета Бегтовиќ денеска го почна судењето за „Таргет и Тврдина“, откако одлучи да ја раздвои постапката за двајцата бегалци, обвинетитет Горан Грујевски и Никола Бошкоски. Претходно таа ја раздвои и постапката за екс министерката Гордана Јанкулоска, бидејќи се наоѓа во деветиот месец од бременоста.