Пратеничката група на ВМРО ДПМНЕ ја напушти работата на Собранието и нема да учествува во дебатата за ратификација на Предлог – законот на Договорот меѓу Грција и Македонија.
Постапката со која се предлага Договорот да биде ратификуван е спротивен на Уставот и Деловникот и партијата одлучи да не учествува во носењето на вакви штетни договори, кажа Антонио Милошоски на прес конференцијата во Собранието.
-Со овој Договор, Владата се откажува од сите успеси и напори постигнати од 91 до денес што беше крунисано со признавање од 140 земји на уставното име, меѓу кои и Америка, Канада, Русија, Кина.., рече Милошоски.
Тој го повтори ставот на партијата дека Договорот правно е неуставен, а национално понижувачки.
Тој ја обвини власта дека сака да избегне дискусија за Договорот кој има многу „фалинки“ и затоа е предложен со европско знаменце, со што се скратува времетрањето на дискусиите.
Милошоски на прес-конференцјата, на која не сакаше да одговори на сите новинарски прашања рече дека најголемата иницијатива која тие додека беа 11 години на власт успеале да ја издејствуваат е добиената тужба против Грција. На прашањето дали ВМРО ДПМНЕ нема да присуствува само на оваа седница, туку и на сите наредни, Милошоски рече дека за тоа ќе одлучуваат партиските органи.
Претходно, министерот за надворешни работи Никола Димитров објасни дека Предлог – законот се предлага да биде донесен по скратена постапка, за договорот да биде ратификуван пред Европскиот совет. Ратификацијата на договорот во Собранието е услеов грчката страна да го извести Европскиот совет дека не постојат пречки змјава да ги почне преговорите со Унијата. Светот на ЕУ ќе заседава на 28 јуни.
Во 15 часот, е закажана седницата на комиијата за европски прашања, по што Предлог – законот се враќа повторно на пленсрана седница, за да се ратификува.